Human rights based approach

БХК кансультуе ініцыятывы грамадзянскай супольнасці па пытаннях human rights based approach. Мы аказваем падтрымку пры распрацоўцы ўнутраных палітык, навучальных матэрыялаў і праграм і дапамагаем інтэграваць падыход, заснаваны на правах чалавека, у працу арганізацый.

Сумесныя даклады ў міжнародныя механізмы

У індывідуальным парадку мы кансультуем па пытаннях выкарыстання міжнародных праваабарончых механізмаў (напрыклад, Камітэта ААН па эканамічных, сацыяльных і культурных правах, Камітэта па правах дзіцяці).

Мы каардынуем падрыхтоўку і падачу некаторых сумесных дакладаў. Увага: па запатрабаванні ініцыятыва можа застацца ананімнай!

Своечасова паведамляем ініцыятывам аб магчымасцях міжнародных праваабарончых механізмаў (напрыклад, аб пачатку збору інфармацыі механізмам).

Тлумачэнні, як працуюць міжнародныя механізмы

Памятка для арганізацый грамадзянскай супольнасці па ўдзеле ў працэсе разгляду дакладаў дзяржаў у Камітэце па ліквідацыі дыскрымінацыі ў адносінах да жанчын (КЛДЖ/CEDAW).

Памятка для арганізацый грамадзянскай супольнасці па ўдзеле ў працэсе УПА (UPR).

Каляндар міжнародных праваабарончых механізмаў

Мы стварылі каляндар міжнародных праваабарончых механізмаў, каб НДА было прасцей і зручней выкарыстоўваць міжнародныя механізмы для дапамогі сваім мэтавым аўдыторыям.

Коллы міжнародных механізмаў можна адфільтраваць па тэгах (тэмах вашай працы ці мэтавай аўдыторыі), дэдлайнах, а таксама тыпе справаздачнасці (перыядычная або па запыце).

Механізмы ААН дазваляюць паглядзець на праблемы мэтавых груп і правы чалавека пад іншым вуглом і заўважыць парушэнні там, дзе яны не відавочныя. Гэта таксама важны сродак дакументавання парушэнняў правоў чалавека і іх асвятлення на міжнародным узроўні.

Сумесная дапамога мэтавым групам

Магчымыя розныя індывідуальныя сцэнарыі ўзаемадзеяння.

Часцей за ўсё мы дапамагаем распрацоўваць алгарытмы абароны правоў мэтавых груп НДА. Прыклады такой супрацы: алгарытм «Як атрымаць доступ да крымінальных спраў і матэрыялаў рэпрэсаваных сваякоў», «Як змагацца з булінгам ва ўстановах адукацыі» і інш.

Супраца па развіцці нефармальнай адукацыі ў галіне правоў чалавека

Разам з 12 асноўнымі беларускімі правайдэрамі нефармальнай адукацыі ў галіне правоў чалавека ў рамках «Лабараторыі адукацыі па правах чалавека» (HRE Lab) Бюро па дэмакратычных інстытутах і правах чалавека АБСЕ (БДІПЧ) у 2024 годзе эксперткі БХК распрацавалі «Рамкавыя кампетэнцыі ў галіне правоў чалавека для сектара нефармальнай адукацыі беларускай грамадзянскай супольнасці» (адкрываецца ў новым акне).